sve sam razumeo

ТАЖЕН РОДЕНДЕН НА ПОП-SВЕЗДАТА
Тоше оставил подарок за Кристијан
Тага и болка во домот на семејството Проески во Крушево. Денес во 11,15 часот пред 27 години е родена македонската мегаsвезда

Тага и болка во домот на семејството Проески во Крушево. Денес во 11,15 часот пред 27 години е родена македонската мегаsвезда .
Родителите се уште не се подготвени болката да ја поделат со јавноста. Од вчера Крушево се полни со туристи и обожаватели на песните на Тоше. Големиот билборд со сликата на Тоше вчера беше заменета со нова. Денеска на неговиот гроб на Гумење во Крушево со литургија и молитва за него ќе се одбележи роденденот на Тоше.
Никој не е расположен да ја подели болката и сеќавањата од родендените со Тоше. Омиленото негово кафуле "Планет" каде се гледаше со другарите веќе не е исто. Таму го затекнавме неговиот зет од сестра Славен Ристески. По долго убедување, ја отвори душата и го подели со нас сеќавањето на Тоше и неговите родендени.
Н Како Тоше ги славел родендените во Крушево?
- Последните десетина години Тоше Проески не беше во Крушево за неговиот роденден. Тој беше обичен човек и најобично ги славеше и родендените. По завршувањето на осмо одделение не се сеќавам на роденденска прослава во родното Крушево. Во семејството се одбележуваше денот 25 јануари кога е роден Тоше, но тоа се правеше главно со неговиот внук Кристијан. Денеска како подарок од Тоше Кристијан ќе добие тапани, што вујко му пред несреќата ги платил во Словенија .Желбата Тоше за роденден да му подари тапани на Кристијан, кој на 29 ноември наполни десет години ќе му биде исполнета, вели Ристески.
Ристески додава дека се сеќава само на неговиот 15 или 16 ти роденден.
- Со татко му Никола отидовме во Битола зашто учеше соло пеење во средното музичко училиште. Му подаривме опрема за кик бокс,бидејќи во тој период тренираше .Беше многу среќен , знаеше да се радува на секоја подарена ситница .Со неговите другари во интернат во Битола го славевме роденденот и потоа заминавме на пијачка, на по едно сокче.
Се сеќавам дека кога дојде време да се враќаме во Крушево, Тоше плачеше, не сакаше да си одиме. Тоа нема никогаш да го заборавам, вели Ристески.
- Кога ги гледам фотографиите, повеќе го има Тоше на моите роденденски прослави. Родендените на Тоше во мојот семеен албум се овековечени само до завршување на основното образование, се сеќава и братучедот на Тоше Андреј.



***

Крушево во спомен на Тоше

Денес напладне во музејот "Македониум" во Крушево ќе се обележи денот на раѓањето на мегаsвездата Тоше Проески, во организација на семејството Проески и на "Аворд" продукција. Неговиот бенд, кој го придружуваше на бројните настапи и концерти, ќе изведе неколку инструментални дела и ексклузивно ќе бидат прикажани краток документарен филм и фотографии од неговите патувања и настапи. Ќе биде претставена и фондацијата "Тодор Проески", која активно ќе започне со дејствување.
Пропадна идејата за организирање голем концерт во спомен на Тоше, на кој ќе учествуваа балкански sвезди од поп-музиката. По барање на семејството Проески, идејата можеби ќе заживее во наредните години.

***

Андријана Будимир: Со Тоше сум во сонот и во спомените

Роденденот на Тоше ќе го одбележам на мој начин, ни рече Андријана Будимир, ексракометарката која како што повеќе пати изјави, до смртта на Тоше живеела со него во куќата во Злокуќани.
"Доколку Тоше беше жив, денес ќе беше една година откако вторпат ја обновивме нашата врска. Денешниов ден е многу тежок за мене и навистина не знам што да кажам. Поминаа три месеци и по се она што го видов и преживеав, јас се уште не можам и не сакам да верувам дека него веќе го нема. Секој ден е се потежок и потежок. Со секој нов ден се повеќе и повеќе се надевам дека ќе се врати. Со Тоше сум во сонот и во спомените и за се низ што поминувам му кажувам кога ќе седнам на клупата крај гробот", ни изјави вчера Андријана.
Таа со тага се сеќава дека кога биле раздвоени со Тоше, преку сестра и Сенка, и го честитал нејзиниот роденден. На инсистирање на сестра и, која тогаш постојано контактирала со него, му пуштила порака за 26. роденден.
"Неколку дена пред неговиот роденден, сестра ми ми рече дека не може повеќе да издржи да биде меѓу нас двајцата, треба сега јас да му честитам нему. За роденденот му пуштив порака во која не си го напишав името, но му напишав некои работи кои беа наши заеднички, ги знаевме само ние двајцата, и знаеше дека тоа сум јас. Од тогаш почнавме да си пишуваме пораки и да си пуштаме и-мејлови, се додека не ми рече дека сака да дојде кај мене во Шпанија", се сеќава Андријана.
Андријана не сака да каже дали денес ќе замине за Крушево. Како што велат нејзини блиски, таа секогаш го посетува неговиот вечен дом во доцните вечерни часови, кога на гробиштата речиси нема никој.


Izvor:http://www.vest.com.mk/

СОЛЗИ И ЛЕЛЕК НА 27-ГОДИШНИНАТА ОД РАЃАЊЕТО НА ПОП-ЅВЕЗДАТА

Свеќи на гробот и на роденденската торта на Тоше

Тоше Проески има само ден на раѓање, така велат сите што го сакаат, токму тој ден беше вчера. Но траорната атмосфера со солзи, лелек и тага по прерано изгубениот живот, годинава ја заменија славеничката атмосфера, на денот кога требаше да наполни 27 години. Свеќи во чест на момчето со ангелски глас гореа на Гумење, на неговото вечно почивалиште и на роденденската торта, на која стоеше бројот 27.

Точно во 11.15, времето кога на свет пред 27 години е дојдена втората рожба на Никола и Доминика, со молитва почна одбележувањето на роденденот. Архиепископот охридско-македонски г.г. Стефан отпеа молитва во чест на Тоше за покој и мир на неговата душа и рече: "Сите идни генерации треба да го следат неговиот пример". Првотот парче торта беше за Тоше. Но немаше кој да го проба, остана пред крстот на неговиот вечен дом. И редиците роднини, пријатели, соработници и обожаватели добија од тортата, сите со подарок в рака и со порака за Ангелот. Одбележувањето на роденденот на славниот жител на Крушево продолжи во музејот "Македониум".

Неговите родители, за кои до лани овој ден беше најсреќен во животот, годинава скршени од тага по саканото чедо не можеа до крај да останат и да ги проследат случувањата во чест на нивниот син. По интонацијата на првите тонови од неговите песни од страна на неговиот бенд, во плач и болка си заминаа дома да го оплакуваат чедото. Момците кои во јавност станаа познати како "Бендот на Тоше Проески" имаа 30-минутна инструментална изведба на неговите хитови, кои ја одбележаа неговата кариера и му донесоа голема слава.

Во "Македониумот" река од луѓе дојдоа да му оддадат почит на нивниот омилен пејач. Беше откриена и биста со ликот на Тоше, која ја изработи професорот по ликовна уметност од Струмица, Митко Тошев, а беше претставена и Фондацијата "Тодор Проески", која од вчера активно работи и ќе продолжи по хуманиот пат на Тоше. Така вчера Општина Крушево донираше по 5.000 денари за најзагрозените пет семејства во градот. Во рамките на одбележувањето на роденденот беше прикажан и кус документарен прилог од неговите концерти, како и низа фотографии од патувањата и настапите. Настанот беше во организација на семејството Проески, како и неговата матична продукција Аворд ентертејмент.

Подароци
Љиљна Петровиќ, менаџерката на Тоше, која му ветила дека за 27 роденден ќе му купи гитара, го исполни ветувањето и ја остави бас-гитарата купена во Атина, со изгравирани стихови, на гробот на Тоше. Неговите соработници ја исполнија и неговата желба и на неговиот внук Кристијан, кој љубовта кон музиката ја наследил од својот вујко, му подарија тапани. Хрватската пејачка Антонија Шола, со која го испеа дуетот "Волим осмех твој", на сестрата на Тоше, Дора и даде кристална пирамида - признание од сите хрватски медиуми.

РОДЕНДЕНОТ НА ТОШЕ ОДБЕЛЕЖАН И ВО СКОПЈЕ
Тагата е уште поголема
Роденденот на македонската легенда Тоше Проески го одбележаа и неговите фанови од Скопје. Од рано изутрина река народ се слеваше на градскиот плоштад и низ солзи со свеќи и цвеќе ја искажуваа својата незимерна тага која се уште не стивнува. Напротив - се е поголема.

- Го подарувам моето омилено мече. Сакам да знае дека никогаш нема да го заборавиме. Неговата песна ќе го остави вечно споменот на неговата насмевка и ќе не потсетува како треба да се однесуваме - низ солзи прозборе студентката Марија. Освен омилените предмети и слики, граѓаните оставаа и пораки. "Сега ние ќе бидеме твоите ѕвездички што засекогаш ќе ти го осветлуваат патот" - му напишаа на Тоше група петтооделенци.

Во скопските кафулиња се пушташе само музиката на Тоше. Дури и на мобилните телефони ѕвонеше музиката на Тоше. Тој беше наш амбасадор, кој ја промовираше музиката и добрата мисла.


Izvor:http://www.vecer.com.mk/

СЕМЕЈСТВОТО И ОБОЖАВАТЕЛИТЕ ГО ОДБЕЛЕЖАА РОДЕНДЕНОТ

Илјадници свеќи за душата на ангелот

Редица од над 1.000 луѓе од разни краеви наМакедонија, Србија, Босна и на Хрватска го посетија гробот на трагично загинатиот пејач

Наместо 27 свеќички на роденденска торта на Тоше Проески, вчера во Крушево гореа илјадници свеќи на неговото вечно живеалиште. Песните што толку многу ги сакаше и ги пееше на своите роденденски забави беа заменети со болните крикови на неговите родители и на сестрата.

- Сине на мајка, ова е твојот ден, денот кога те родив - болно и тивко зборуваше неговата мајка додека стоеше покрај гробот на својот син. Редица од над 1.000 обожаватели, дојдени од разни краеви на Македонија, Србија, Босна и на Хрватска го посетија гробот на трагично загинатиот пејач, да му оддадат почит и да го одбележат денот на неговото раѓање.

- Не го познавав лично, но толку многу го сакав и како пејач и како човек. Беше скромно и прекрасно дете - со плач извикуваше 40-годишната Светлана, која специјално за комеморацијата на Проески пристигна од Кичево.

Со солзи во очите покрај неговиот гроб стоеја и многу деца од повеќе училишта од Македонија, кои во рацете држеа картони во вид на срце на кои пишуваше „Тоше ќе останеш засекогаш во нашите срца“. По повод чествувањето на роденденот на Тоше, неговото блаженство охридско-македонскиот архиепископ г.г. Стефан одржа молебден на гробот на Тоше. Владиката Петар во својата пригодна беседа истакна:

- Тоше испрати многу пораки до младите да бидат чесни и да веруваат во Бога. Тие веќе почнаа да го следат неговиот пат. Наша утеха во болката нека биде надежта дека еден ден ќе се сретнеме со него пред Господ, каде што се праведните.

По чествувањето на гробот на Тоше, неговите соработници, фанови и сограѓани се упатија во музејот „Македониум“. Во тактот на омилената песна на Тоше, „Твоите бакнежи на моите бели кошули“, почнаа да течат солзи од очите на сите присутни. Неговиот бенд првпат по неговата смрт ги отсвири темите „Сонце во твоите руси коси“, „Усни на усни“, „Игри без граници“...

Стојан Тренчевски, претседател на Асоцијацијата „Мајка Тереза“, го најави официјалниот почеток на Фондацијата „Тодор Проески“, чиј претседател е Никола, таткото на Тоше, со седиште во Крушево.

- Ова ќе биде најголема фондација, која ќе им припаѓа на сите обожаватели. Упатувам апел сите да ја поддржат и да бидат дел од неа - изјави Тренчевски.

Членовите на бендот му ги подарија на Кристијан, внукот на Тоше, тапаните што тој ветил дека ќе му ги купи.

Сестрата на Тоше, Дора, ја откри сликата со ликот на Тоше што на семејството Проески им ја подари градоначалникот на Варна. Исто така хрватската пејачка Антонија Шола им подари слика, дело на академскиот хрватски сликар Хрвое Пушкариќ, со ликот на Тоше од поштенската марка. Градоначалникот на Крушево го прогласи 25 јануари за ден на хуманоста во родниот град на пејачот.

Најблиските пријатели и соработници на Тоше ги посетија неговите родители во нивниот дом. Домника и Никола Проески ги отворија портите од својот дом и за сите фанови на својот син што сакаа да ја посетат куќата каде се роди мегаѕвездата.

Тажното Крушево овој ден го облеа сонце, чисто како неговата душа и насмевка што посетителите можеа да ја видат на билбордите со неговите фотографии поставени на крушевските улици.

На одбележувањето на денот на раѓањето најмногубројни беа неговите обожаватели. Освен членовите на бендот, неговата менаџерката Лилјана Петровиќ, претставници на „Аворд-продукција“ и неговите блиски соработници Огнен Неделковски, Антонија Шола и Мирослав Поповиќ, никој од естрадата не присуствуваше.

Болката по Проески не поминува

Во Крушево присуствуваа претставници на повеќе хрватски медиуми. Меѓу нив беше и новинарката на весникот „24 часа“ од Нова Градишка, Сања Рапаиќ. - Вечерта пред да се случи сообраќајната несреќа чувствував дека ноќта е необична и траурна. Не можев да заспијам. Во еден миг ги слушнав сирените на итната помош и на пожарникарите. Се јавив да прашам што се случува и ми рекоа дека загинала македонска ѕвезда. Бидејќи сум од Нова Градишка веднаш се упатив на местото на настанот. Возејќи на радио слушнав дека загинал Тоше. Се јавив во полиција да проверам и, за жал, ми потврдија дека тоа е Проески. Прва пристигнав на местото на настанот. Го видов безживотното тело на Тоше. И денес ми е претешко кога ќе се сетам на таа слика. Отидов да земам изјава од возачот на камионот, но камионот беше толку оддалечен од местото на настанот што морав со автомобил да стигнам до него. Ми остави впечаток дека се однесува многу ладно. Ми беше контрадикторен во изјавата што ми ја даде. Прво рече дека видливоста била мала и дека имало магла, а потоа го смени мислењето, беше збунет - изјави Рапаиќ.


Izvor:

Da li neko zna gde u Beogradu ima da se kupi ova knjiga? (moze na pp)

Imas link naruci preko neta!!!

Тоше глумел во филмот „Миротворец“ покрај Никол Кидман и Џорџ Клуни

Првите сцени на холивудскиот хит се снимени во црквата „Св. Димитрија“ во Битола и во нив се појавува Проески



Тоше Проески, прерано згаснатата македонска и балканска ѕвезда, во 1997 година, како петнаесетгодишен средношколец од музичкото училиште во Битола, учествувал во снимањето на првите сцени од холивудското филмско остварување „Миротворец“. Проески играл во филмот покрај светските ѕвезди Никол Кидман и Џорџ Клуни, а заедничкото снимање го искористил и лично да се запознае со нив.


- Се сеќавам дека екипата што беше задолжена за снимање на филмот дојде и побара во Средното музичко училиште во кое учеше Тоше, деца кои знаат убаво да пеат, а патем и убаво изгледаат, ни раскажа Славен Ристовски, зет на Тоше Проески и човек кој лично присуствувал на реализацијата на неговиот ангажман во филмскиот хит. „Во училиштето, се разбира, прв го препорачаа Тоше. Уште во првиот момент кога го видоа луѓето од филмската екипа, веднаш им се допадна“.

Првите сцени на „Миротворец“ во кој учествува Тоше се снимени во црквата „Свети Димитрија“ во Битола. Локацијата не е случајно избрана- храмот кој е подигнат во 1830 год. изобилува со прекрасен ентериер, украсен со полиелеи (црковни ламби), резбан епископски стол и иконостас во резба. Градена е во форма на трикорабна базилика со галерии на кат над јужниот и северниот кораб, а капелите имаат изглед на пресечена пирамида.

Искуството да се учествува во еден холивудски проект, а патем да ја запознае и својата омилена актерка, Никол Кидман, за Тоше било незаборавно искуство. Тој, според зборовите на Ристески, бил воодушевен од средбата со познатите актери.

- За жал, во тоа време, пред 11 години немаше многу камери, фотоапарати, па не успеавме да направиме заедничка фотографија на Тоше, Никол и Џорџ. Се сеќавам дека седевме во хотелот „Епинал“ во центарот на Битола, а покрај Тоше на масата беа и двајца- тројца негови другари од средното училиште. Во моментот кога дојдоа Никол и Џорџ, Тоше само извика „Иииии...“. Тоа беше неговата прва реакција кога ги здогледа двете ѕвезди и за првпат се запозна со нив. Беше многу задоволен, му се направи ќефот, му се оствари еден сон, да ја запознае омилената актерка“, вели Ристески.

- Ја запознав Никол Кидман за време на снимањето на филмот „Миротворец“, каде што се појавувам на самиот почеток на филмот кога пеам во црква. Нашата средба и запознавање беа кратки, тогаш имав 15 години, изјави Тоше во едно од своите постари интервјуа.

Желбата на Тоше за глумење не е случајна, особено ако се има предвид дека неговиот дедо, по кого и е крстен, (н.з. татко на таткото на Тоше, Никола), Тодор Проески долги години бил актер во крушевскиот театар. Оттаму воопшто и не е чудно што Тоше со задоволство го прифати и предизвикот да заигра во една од епизодите на популарната хрватска сапуница „Забранета љубов“, за која ја испеа и насловната нумера „Срце није камен“. Во серијата Тоше ја имаше улогата на 25-годишниот студент Бошко Цутиќ, кој живее на сметка на своите родители, а треба да ја заведе келнерката Ива, која ја игра Марија Кобиќ.

- Глумата ме привлекува и одлично се вклопив во целата екипа на „Забранета љубов“, но моја прва љубов е музиката со која интензивно се занимавам. Сепак, којзнае, можеби еден ден сериозно ќе го прифатам актерскиот повик“, своевремено изјави Тоше.

Со оглед на интересирањето што владее за прикажување на сцените во „Забранета љубов“ во кои глуми Тоше, се обидовме да стапиме во контакт со продуцентите на популарната сапуница, „Fremantle“ продукција од Загреб. Оттаму, преку претставникот за односи со јавноста, Андреја Штурлиќ, не' информираа дека засега немаат конкретно решение околу тоа дали и кога ќе се прикажуваат сцените во кои глуми Тоше.

Инаку, покрај филмот „Миротворец“ и серијата „Забранета љубов“, во однос на актерските ангажмани на Тоше, пред неколку години беше најавено и снимање на филмот „Ловец на души“ за чија насловна улога се планираше Жан Клод ван Дам и во кој Тоше беше предвидено да има мала улога, но и да отпее дел од музичките теми. Филмот требаше да се работи според сценарио на Оливер Ромевски, а во режија на Денис Сатин од Германија. За жал, и овој проект остана нереализиран.

Беовизија во чест на Тоше Проески!


Српските медиуми дознаваат дека претстојната Беовизија, која во белградскиот Сава Центар ќе се одржи на 19. и 20 февруари 2008-ма, ќе му биде посветена на нашиот легендарен пејач Тоше Проески. Имено, организаторите на Беовизија, која се смета за најдобар српски забавно-музички фестивал, во чест на Тоше веќе ја осмислија ревијалната програма, на која десетина познати пејачи од нашиве простори, ќе ги отпеат најголемите хитови на Тоше.
Како што јавуваат српските весници, ревијалната програма во чест на Тоше ќе се одржи на првата фестивалска вечер, на која е планирано да настапат еминентните имиња, со кои Тоше имаше блиска соработка. Така меѓу изведувачите ќе се најдат: Жељко Јоксимовиќ, Леонтина Вукомановиќ, Есма Реџепова, Ања Рупел од Словенија, Антонија Шола од Хрватска...
Информацијата дека Беовизија 2008 ќе биде во чест на Тоше ја потврдија и официјалните лица од Радио Телевизија Србије...
Тоше Проески беше прв победник на Беовизија во 2003 година, па во знак на почитување и сеќавање на овој извонреден уметник креативниот тим на фестивалот реши првата вечер, на 19. февруари, неколку еминентни уметници да ги пеат десетина негови песни. Деновиве ќе се знае дефинитивната листа на изведувачите – вели PR на Беовизија Душка Вучиниќ Лучиќ.


Izvor:http://www.mmm.com.mk/

Секој ден мејлови до Опра - предлагаат
читател(к)ите!


Овој викенд ѕирнавме во мејл-боксот на нашата и Ваша  колуМММнистка, Валентина Ѓоргиевска, кое навистина било преплавувано со емотивни мејлови, секогаш кога темата на колумната и била Тоше - ...Вале со цело срце со радост и преголема тага пишува за нашата најголема ѕвезда, а еве што на таа тема и напишаа некои од читателите, вечно гладни за нов текст поврзан за нивната најомилена личност – Тоше -  нашето ангелче, нашето сонце, нашата солза најчиста!

Продолжи го неговото име во твоите колумни, понекогаш наврати се на нашиот ангел, но не само за неговиот роденден, направи го тоа и во некој обичен, тмурен ден кога можеби најмалку ќе очекуваме да прочитаме нешто за него!... Сакам да апелирам да се потрудиме помасовно да го претставиме Тоше пред Опра, за да може да се направи една емисија за која јас сум сигурна ќе ја просветли цела Македонија и македонскиот народ.

***

Т. Р. -  Ти благодарам... за тоа што ми го развеселуваш и растажуваш срцето и што ми го полниш со милост и добрина пишувајки за Тоше! Никогаш не сум му била на концерт и тоа ми стои како грутка во срцево, но секогаш со задоволство сум ги слушала неговите песни и сум ги знаела наизуст, надевајќи се дека тоа мое знаење ке го искористам на некој нареден концерт! Е сега си ги пеам песните и кога сум тажна и кога сум среќна! Има нешто во тоа дете и се чекам да се случи некое чудо! Денес е 25. јануари, и според православниот календар е Св. Маченица Татјана, по игра на случајот јас сум Татјана, која својот именден поради вербата во Бога и неговата сила почнала да го прославува токму таа 1981 година.и ете... Секогаш сум помислувала на Тоше и сега е така. Секогаш ќе биде така! Тоше те сакам!

С. Б. Естонија - ... Последниве три месеци постојано ги препрочитувам твоите колумни и сум импресионирана, посебно од последнава за нашиот дилбер, за нашиот АНГЕЛ кој ни го покажа патот..., кој ни ги уништи срцата од болка и тага! Не можам да ти објаснам како се чуствувам овде сама, немоќна, борејќи се да сфатам дека МКД мора да продолжи без неговата појава, без неговите концерти, без неговата хуманост, без него, без ТОШЕ! Деновите на неговата смрт беа најтешки во мојот живот, бев тука, далеку, далеку од МКД, и помалку се чуствував виновна што не сум дома да ја споделам тагата со мојот народ... Од друга страна немав сила да се вратам... постојано читав и следев на нет што се sлучува - погребот, весници, изјави, реакции..., тага, плач, лелеци... Он беше навистина ангел кој беше пратен да ни го покаже патот и си замина таму кај што навистина припаѓа, во својот свет, во светот на ангелите! Се обидувам сеуште да им објаснам на Естонците тука за него, неговите дела, не им се верува дека такво нешто воопшто постои помеѓу луѓето, и обично. Коментарот на крај им е бидете среќни што сте го имале и продолжете го неговото дело! Продолжи го неговото име во твоите колумни, понекогаш наврати се на нашиот ангел, но не само за неговиот роденден, направи го тоа и во некој обичен, тмурен ден кога можеби најмалку ќе очекуваме да прочитаме нешто за него(иако тоа и скоро не е возмозно)...

Е. Ј. Драга Валентина, Иако не се знаеме, веќе те чуствувам блиска најмогу поради тоа со ни го пишуваш се разбира за нашиот лампион. Немам зборови со кои би го опишала чуството кое владее во мене, после немилиот настан, едноставно не можам да поверувам дека го нема...

Е.М.  Драга Вале. Би те замолила никогаш да не престанеш да пишуваш за него... Само тоа го сакам... Фала што го стави маилот на Опра. Имам голема верба дека навистина ќе ни успее ова... Многу ти е добро она не пуштајте солзи пуштајте мејлови, ама кај мене да ти кажам не оди едното без другото... Претешко ми е.

Е. П. Бев во Крушево, да. Јас кога стигнав таму знаев дека нема да бидам многу тажна. Некое чудно чувство, не знам како да ти опишам. Првиот момент кога стигнав до гробот почустува ко он да се смее и дека е среќен каде што е, не можев да плачам не ми даваше срцето некоја чудна сила ко да ти дава снага и не си на земја ни на небо. Некаде помеѓу со него. Иако бев и се видов сепак кога дојдов дома пак истото чувство дека он сепак не е никаде отиден туку дека е тука и ни се смее и не дава сила. Неговата енергија и неговата љубов секогаш ќе бидат тука во тоа најискрено се уверив баш на тој ден.
И можеби сите што беа таму не ја сватија таа вистина но јас да. И поради тоа сум некако горда на себе и на него. И некако ми е полесно и на душата и на срцето и сега знам дека он е таму каде што сум јас.

А. У. Ни требаат многу новинари кои што се искрени и пишуваат вистина... Како и да е, се е безвредно кога него го нема... Сакав само да ти заблагодарам длабоко од мојата распрачена душа за тоа што му посвети внимание на нашето најсвето и напиша бар збор-два... На тој начин ја покажа почитта кон него кон нашето ангелче нашето сонце нашата солза најчиста...

Ф. П. Торонто - Не го познавав лично, само од песните оваа лето бевме во Македонија и си купив цд од него но голема загуба за сите... И стално со мојот осумгодишен син ја слушаме химната од Тоше.

М. М. П. - Лондон. Идејата да и напишам на Опра ја добив кратко по соземањето од смртта на Тосе. И пишам редовно (т.е. на нејзините продуценти), ама еве до сега немам добиено никаков одговор. Мислам дека нема некој што подраматично, пореално и потогателно ја претставил неговата приказна... Сакам да апелирам до тебе и до цел медиумски тим да се потрудиме помасовно да го  претставиме Тоше пред Опра, за да може да се направи една емисија за која јас сум сигурна ќе ја просветли цела Македонија и македонскиот народ. Тоше беше за светска слава која не само што неизмерно ја  заслужи туку е и императив. Ајде сите да се потрудиме. Кога Опра може да скита низ Африка и по џунглите да ги претставува племињата, сигурна сум дека ќе може да дојде до Македонија и да ни го возвиши ангелот во светски размери. Јас сум моментално во Лондон и правам се за да ја реализирам оваа идеа.
Ајде сите заедно!

Г. М. - Струмица... И најдлабоко ве молам да направите се што е во ваша можност за да може Опра да дознае за нашето ангелче најдобро – Тоше. Ќе праќаме сите меилови, само да ги прочита и да се заинтересира…

На Денот на вљубените ќе биде објавено DVD со концерт кој Тоше лани го одржа во Арена


Иако официјално се уште не е соопштено, по музичките кулоари се навестува дека на 14. февруари 2008-ма, поточно на Денот на вљубените, на пазарот ќе се појави DVD со концертот кој легендарниот Тоше Проески го одржа во Белградската Арена токму на овој датум минатата година. Како што лани известувавме, на овој спектакуларен настан присуствуваа околу 20.000 луѓе, а како гости на Тоше се појавија италијанската рок-дива Џана Нанини, македонскиот фолклорен ансамбл Танец, трубачки оркестар на Срѓан Азировиќ, Александра Милиќевиќ... Предвидено е на DVD-то да има и бонус-снимки од настапот на Тоше на ланскиот Хрватски радиски фестивал на Хвар, на кој победи со темата Вежи ме за себе, како и снимки од промоцијата на албумот Игри без граници во загрепска Творница. Се на се, околу четири часа ексклузивен материјал, кој претставува врв во кариерата на недостижна македонска поп-ѕвезда...
Паралелно со ова издание се подготвува и DVD од концертот кој Тоше го одржа на 5. октомври 2007-ма на Градски стадион во Скопје.


Izvor:http://www.mmm.com.mk/