Pusti ljude da kazu sta imaju i uz duzno postovanje ako ti ne smeta...zaobidji ovu temu...

Ja odavno mislim da je to posle prve nedelje iz "zalosti" skrenulo ka nekom cudnom idolopoklonstvu...
Ni Tita nisu toliko oplakivali... a Tito im je doneo drzavu..

Хрватската верзија на Цреша - нов сингл на Тоше

Од хрватскиот Хит рекордс, дискографската куќа која за тамошниот пазар го објави последниот албум на Тоше Проески – Игра без граница, не известија дека по успехот на насловниот сингл, во етерот е лансирана уште една песна од албумот. Станува збор за темата Још и данас замириши трешња, кај нас е позната и како Цреша, за која Тоше велеше дека му е автобиографска. Иако станува збор за постара композиција на Мирослав Рус, несомнено е дека македонскиот славеј со својата интерпретација и го даде еден сосема нов живот.
За сингл-верзијата на Цреша (на хрватски јазик), Никша Братош потпишува нов аранжман, во чест на роденденот на Тоше. Имено, да не се случеше трагедијата тоа кобно утро на 16. октомври, Тоше Проески на 25. јануари 2008. ќе го прославеше својот 27-ми роденден.
Вака остануваат само сеќавања на најубавите моменти кои балканската музика ги имаше во последниве десетина години.
Тоше, нека ти е вечна слава и благодарност!

Ангелу на YouTube

Сите кои го посетуваат сајтот на YouTube можат да ја слушнат песната (и да го видат симпатично спотче!) на Антонија Шола – Ангелу, која популарната хрватска пејачка, актерка и текстописец, на македонски јазик ја испеа во чест на Тоше Проески!

***

Одложен големиот концерт во чест на Тоше Проески

Најавениот голем концерт што требаше да се одржи во чест на Тоше Проески на денот на неговиот роденден - 25 јануари е одложен. Роднините и родителите на Тоше сметаа дека концертот е преран и нивната желба беше да се одложи за некој друг термин, велат од МТВ, куќата што ја поднесе иницијативата за одржување на ваков голем настан.
На концертот, кој беше одобрен и од страна на Координативното тело за заштита на ликот и делото на Тоше Проески, требаше да се обединат сите големи телевизиски куќи на Балканот. Замислата беше да се организира концерт на кој ќе бидат поканети изведувачи од Хрватска, Србија, БиХ и од другите земји од Балканот кои ќе пеат песни од Тоше, а сето тоа директно ќе се пренесува на ТВ-куќите од регионот. Како најверојатна локација на одржување на концертот се спомнуваше Метрополис арената.
Од МТВ засега не прецизираат нов термин – наведува Утрински весник.

ИДЕЈА НА ХРВАТСКИТЕ ФАНОВИ

Делото на Тоше во шоуто на Опра Винфри


Инспирирани од шоуто на славната Опра Винфри, во кое под името "Човечки легенди" почесно место добиле луѓето, кои на некои начин влијаеле врз животите на другите, хрватските фанови на нашиот ангел Тоше Проески покренуваат иницијатива токму тој да биде дел од оваа емисија.

"Зборуваа за луѓе кои направиле неколку прекрасни работи, но тие на нашиот Ангел не му се ниту до колена. Во самиот вовед Опра спомена нешто што ми ја запали малечката сијаличка во мозокот. Зборуваше за тоа како добиваат илјадници барања од сите краеви на светот со идеи за емисијата. Зборуваше дека е мошне тешко од масата пораки да се избере онаа која ќе ја инспирира неа или нејзините продуценти да направат емисија. Историјата не учи дека љубовта е најсилно оружје, а количеството на љубов кон нашиот Ангел може да помести и планина.

Сите знаеме дека желба на Тоше беше да се пробие на светската сцена, затоа ајде да се организираме и да најдеме начин нашиот Ангел да го приближиме до светот. Да видат колкаво срце имаше тој за сите луѓе околу себе и каков уметник беше", се вели во писмото кое деновиве кружи на интернет со единствена цел да се преплави интернет адресата на Опра шоу и да се направи емисија за Тоше.
Идејата да се преплави меилот на шоуто во толкава мера да не може да се игнорира идејата ја поддржуваат и во матичната продукција на Тоше - Аворд ентертејмент. Тие уште испраќаат и апел за поддршка на идејата и до сите македонски фанови.

"Да покренеме лавина од љубов на која никој нема да може да и одолее. Со оглед на тоа дека зборовите на писмото се лимитирани, пораката треба да биде напишана според чувствата, но важно е дека треба да почнува со Тоше -Тодор Проески. Сите тие пораки со иста реченица може ќе ги натера да сфатат колку не има", се вели понатаму во петицијата. Сите оние кои сакаат да бидат дел од остварувањето на сонот на Тоше и приближувањето на нашиот ангел до светот можат своите писма да ги испратат на интернет адресите на шоуто
http://www.oprah.com/email/reach/email_showideas.jhtml
http://www.oprah.com/email/reach/email

На Гумење ќе се гради нов објект за спомен-куќа на Тоше Проески


На избраната локација на Гумење во Крушево ќе се гради нов објект  кој ќе биде спомен-куќа на Тоше Проески, одлучи работната група  на Министерството за култура. Меѓународниот конкурс е објавен во петокот и ќе трае до 10 март. Избраниот проект ќе биде награден со 200.000 денари, а ќе има и два откупа од по 30.000 денари.
Објектот  на Гумење ќе се гради на државно земјиште, на површина од 700 метри квадратни, и ќе се наоѓа до музејот. Според одлуката на работната груба, ќе биде урнат постојниот објект, некогаш ресторан на претпријатието Монтана, кој Тоше пред две години  сакал да го изнајми за да направи свое музичко студио.
Работната група, составена од двајца архитекти и двајца членови на семејствопто на Тоше,  процени дека на сегашната локација на Гумење до музејот во Крушево треба да се изгради нов објект. Избраниот, што беше ресторан, не одговара на прописите и мора да се гради одново за достојно да се избере соодветно решение за спомен-куќата на нашата трагично почината мегаѕвезда Тоше Проески, изјави за МИА Билјана Ќулавковска, раководител на работната група на Министерството за култура.
Таа додаде дека меѓународниот конкурс е испратен и во Службен весник на Република Македонија и е објавен во официјалниот весник на Европската унија, а денеска е испратен и до Асоцијацијата на архитекти на Македонија, откаде ќе биде пренесен до сите меѓународни асоцијации на архитектите.
Крушевското Одделение за урбанизам ќе работи на измени на Генералниот урбанистички план,  со кои ќе биде опфатено и  спомен-обележјето што треба да се подигне на вечното почивалиште на Тоше и за црквата до него, како желба на семејството.

СКАНДАЛ: СЕ МЕСТИ ЛИ ИСТРАГАТА ЗА СМРТТА НА ПРОЕСКИ?

Туарегот на Тоше ставен под преса за гмечење

Туарегот, кој е еден од клучните докази во истрагата што се води во Македонија, неколку дена по Новата година бил изнесен од еден од четирите салони на автоцентарот "Зубак" во Загреб и однесен да се уништи на преса во отпад за метал

Без никакво овластување и од засега се уште непознати причини, како што дознава ВЕЧЕР бил извршен обид да се уништи џипот во кој загина македонската мегаѕвездата Тоше Проески во Хрватска.

Возилото, кое е едно од клучните докази во истрагата што се води во Македонија, неколку дена по Новата година било изнесено од еден од четирите салони на автоцентарот "Зубак" во Загреб и однесено да се уништи. Туарегот требало да биде уништен со преса во еден од металните отпади на хрватскиот главен град.

Благодарение на барање за дополнително вештачење во Македонија, кое неодамна било испратено од истражниот судија Велче Панчевски, возилото било спасено буквално во последниот момент пред уништувањето.

Од загрепскиот автоцентар "Зубак", вчера за ВЧЕР изјавија дека во моментов туарегот на Тоше не се наоѓал во ниту еден од четирите нивни магацини. Оттаму објаснија дека веќе возилото било предадено на државните органи и дека не знаат каде е.

Освен обидот да се уништи, алармантен податок е и тој дека од моментот на несреќата па досега на неколку пати биле вадени и оргиналните делови. Што значи дека и во ваквата состојба во која се наоѓа сега "туарегот", без разлика каде и да е нему не му е веќе задржана првобитната оргинална состојба. Кој ги извршил замените на деловите и кој потпишал да се уништи "туарегот" останува да се расчисти. Нашиот весник досега ја споменуваше информацијата дека "Фолксваген" самоиницијативно прави ново вештачење во Хрватска, кое може да ги проблематизира резултатите од вештачењето во Македонија.

Возилото досега најмалку пет-шест пати беше пренесувано од едно на друго место, а дел од механичките траги во најголем дел се исчезнати. Откога ќе пристигне "туарегот" во Македонија, и по извршеното домашно ново вештачење од судот, може да не биде веродостојно, велат консултираните експерти за ВЕЧЕР. Инаку, во Обвинителството се уште немаат донесено одлука дали ќе биде покренато обвинение против возачот на "туарегот", Ѓорѓе Ѓорѓевски. Ќе почекаат да се направи вештачење на возилото, по барањето на истражниот судија, иако сметаат дека тоа не е потребно.

Izvor:http://www.vecer.com.mk

Во Србија е објавена книга за балканскиот ангел – Тоше Проески



Во пресрет на 27-от роденден на Тоше Проески, во Србија деновиве е објавена книга за животот на нашата најголема пејачка ѕвезда. Книгата го носи насловот Балкански анѓео – Тоше Проески, 25.1.1981 – 16.10.2007, и истата ја објави издавачката куќа Правда прес. Пишувана е на ќирилица, и има 130 страници. Сите заинтересирани можат да ја порачаат преку Интернет, по цена од 6,75 евра, или едноставно да ја побараат на подарок од некој кој патува во Србија. Во описот на книгата меѓу другото пишува:
Кога претседател на држава вонредно ќе и се обрати на јавноста, по што ќе замине на плоштад да запали свеќа, а истото го сторат и премиерот и претседателот на собранието, како и митрополит, секој би помислил дека почина некој голем државен функционер. На веста за смртта на момчето кое со својата песна, но и со хуманоста и едноставноста, љубовта и скромноста, го восхити Балкан, Македонија реагираше со срце...
Со прерано заминување на Тоше од овој свет, музиката изгуби многу, но и ние многу загубивме. Иако беше голема ѕвезда, не се однесуваше така. Затоа и беше голем...
Во текот на вчерашниот ден стапивме во контакт со продуцентската куќа на Тоше – Аворд Ентертејмент, од каде ни кажаа дека од Србија до сега никој не ги информирал дека воопшто подготвува книга за животот и делото на Проески, а камо ли дека нешто такво е веќе објавено...

http://www.yu4you.com/items/sr/knjiga/item_6742.html

Во чест на Тоше Проески...


Во пресрет на 25. јануари 2008-ма, денот кога прерано починатата македонска легенда Тоше Проески ќе го прославеше својот 27-ми роденден, неговата продуцентска куќа Аворд Ентертејмент јавува дека таа дата ќе биде одбележана достоинствено, како што доликува. Во низа манифестации, ќе издвоиме две...
Во спомен на хуманата мисија на Тоше Проески, граѓанската асоцијација Скопјанката Мајка Тереза денес, точно на пладне ќе организира изложба на фотографии во спомен-собата и музеј на Мајка Тереза.
На изложбата ќе бидат претставени 27 фотографии, кои се дел од архивата на хуманата мисија на Мајка Тереза, вели Стојан Тренчевски, претседател на Здружението, кој наедно ќе одржи и беседа за хуманата активност на Проески.
Покрај изложбата, ќе биде откриена и бронзена статуа на Тоше, која ја изработи вајарот Митко Ташев. Истата статуа на денот на роденденот на Тоше, 25 јануари, ќе им биде подарена на неговите родители Домника и Никола Проески. Изложбата на фотографии ќе биде пренесена и во Крушево, а подоцна ќе го мине и патот кој Тоше го минуваше со песна - ќе биде отворена во повеќе градови во Македонија, а и пошироко...
Сепак, централниот настан ќе се случува на 25. јануари 2008. година, во музејот Македониум, во Крушево во 12 часот, каде ќе се одбележи денот на раѓањето на Тоше Проески. Овој настан е во организација на семејството Проески и Аворд Ентертејмент, при  што од страна на придружниот бенд на Тоше ќе бидат изведени иснтрументални дела. Во рамките на одбелжувањето на денот на раѓањето на Тоше Проески ќе биде прикажан и краток документарен прилог, како и документарни фотографии од неговите патувања и настапи.
Тој ден во Крушево ќе биде претставена и фондацијата Тодор Проески, која активно ќе започне со делување.

ЧЕСТВУВАЊЕ ВО МАКЕДОНИУМ ВО КРУШЕВО

Музика за роденденот на Тоше
Менаџерката Лилјана Петровиќ ќе го оствари ветувањето за неговиот 27 роденден да му подари бас-гитара „фендер-џез“

За нас постои само еден ден, кој е длабоко врежан во нашите срца. Тоа е денот на твојот роденден. Со оваа порака најблиски пријатели, соработници и обожаватели на трагично загинатата мегаѕвезда Тоше Проески денеска во Крушево ќе го одбележат денот на неговото раѓање. Семејството на Проески и „Аворд-продукција“ најавуваат церемонија во спомен на роденденот, која ќе почне во 12 часот, во музејот „Македониум“ во Крушево, каде што се очекува да дојдат и многу обожаватели од земјава и од целиот Балкан.

Во чест на Тоше, бендот што го придружуваше на секој концерт ќе ги отсвири десетте најомилени теми на ѕвездата.

- Првпат по неговата смрт ќе настапиме на сцена и ќе ги свириме неговите песни. На сите ни е многу тешко, но ќе најдеме сила да издржиме бидејќи ова е најубав начин да го одбележиме неговиот роденден. Со музика, која Тоше бескрајно ја сакаше - вели тапанарот на бендот Златко Михајловски-Бумбар.

Ласте Николовски, сопственикот на „Аворд-продукција“, и Лилјана Петровиќ ќе остават бас-гитара на гробот на Тоше, која неговата менаџерка му ја ветила дека ќе му ја подари за 27. роденден.

- Лани кога бевме во Сиднеј, Австралија, со Тоше и Лилја влеговме во една музичка продавница, која ја имавме посетено при нашите претходни патувања. Во неа имаше примерок на бас-гитара „фендер-џез“. Кога Тоше ја виде, многу му се допадна. Бидејќи знаевме дека е можно да имаме проблеми со транспортот на гитарата во авион, поради ригорозните мерки на Австралијците, му сугериравме на Тоше да си купи бас во Македонија. Тој се согласи, особено кога му реков дека ќе му ја дадам мојата бас-гитара „мјузик-мен“ да ја користи колку што сака, бидејќи многу ја обожаваше. На крајот, остана ветувањето на Лилја дека ќе му купи бас-гитара за неговиот 27. роденден - открива Трајко Симоновски, басистот на бендот. Луѓето од „Аворд“ и неговите соработници решија да ја исполнат желбата на Тоше, кој планирал на својот внук Кристијан за 11. роденден да му купи тапани. Тие денеска на Кристијан, кој љубовта кон музиката ја наследил од својот вујко, ќе му подарат тапани.

По повод одбележувањето на раѓањето на Тоше Проески, ќе биде промовирана композицијата „Порака“, за која музиката ја напиша Горан Кан, а текстот содржи молитви од Мајка Тереза, кои ги кажува петгодишно дете.

Последниот роденден Тоше го прослави со соработниците во „Аворд-продукција“, кои го изненадија со торта во вид на автомобилот „буба“, а потоа заминал кај семејството во Крушево. Омилените локали за прослава на роденденот изминативе пет години му биле „ Лира“ и „Балканика“. Неговите пријатели велат дека секогаш на својот роденден бил многу расположен. Ги честел сите присутни во локалот каде што се славело, а потоа го земал микрофонот и пеел.

Во рамките на одбележувањето ќе биде прикажан и краток документарен филм, како и фотографии од патувања и од настапите на Тоше. Ќе биде претставена и фондацијата „Тодор Проески“.

На овој ден секогаш се славеше

Големи се болката и тагата во домот на семејството Проески. До лани најсреќниот ден во годината, кој го обележуваа со богата софра и со гости, за нив сега е најтежок и најтажен.

- Претешко ни е на сите, особено на неговите родители и сестра му. Болката е се' поголема, бидејќи како што минува времето сфаќаме дека тој никогаш нема да се врати. На денот на неговиот роденден, без разлика дали Тоше беше во Крушево, најблиските одевме да наздравиме и да се почестиме во домот на тетка Домника и тетин Никола. Многу тешко успевав да го добијам на телефон за да му го честитам роденденот, бидејќи постојано му беше зафатен. Ми кажуваше дека на роденденот добивал повеќе од 200 повици и пораки, и телефонот во текот на денот повеќепати му се блокирал - вели неговиот братучед Андреј.

Посвета изгравирана на гитарата

На гитарата што менаџерката на Проески ја купи за неговиот роденден изгравирани се стихови, што му ги посвети нему.

За тебе чуваме најубави зборови,
Зборови што уште не се изговорени,
За тебе чуваме солза
Која никогаш окото не го напушти...
Чуваме и песна на малите славеи
И кутија со највкусни колачи...
За тебе ги чуваме и снегот, и дождот
Кои паднаа ненадејно,
Од ведро небо,
Од царството Господово...
На Господ што ни те даде, му благодариме
И за нас постои само денот на твоето раѓање!



Izvor:http://www.dnevnik.com.mk/

Во неутешна болка одбележан денот на раѓањето на Тоше


Крушево, 25 јануари (МИА) - Точно во 11.15 часот, кога пред 27 години е роден Тоше Проески, на неговото вечно почивалиште денеска се одржа панихида и молитва за душата на ангелот.

Неговите родители и блиските во неутешна болка заедно со пријателите, соработниците, со стотиците обожаватели и почитувачи на Тоше, беа збрани во болката и тагата што Тој, сјајната ѕвезда, не може да го прослави својот роденден.

Панихидата со молитвата за душата на Тоше ја одржаа поглаварот на Македонската православна црква г.г. Стефан заедно со владиците Петар и Климент.

- Се собравме заедно да се помолиме за покој на душата на Тоше. Не стивнува болката секаде каде што Тоше се појавуваше. Да се помолиме Мајката Божја да го има во закрила. Бог да му подари рајска населба, а на неговото семејство мир и утеха, истакна владиката Петар.

На гробот на Тоше беше донесена и роденденска торта. Само свеќите во форма на бројот 27, недоживеаните години на Тоше, светеа за ангелот. А на тортата беше запишано „Ангелу наш најмил, остави многу празни страници. Дај ни бар сила ние да ги допишеме, наместо тебе и да ја зачуваме твојата цреша жива. Да можеш бар да се разбудиш, да ни кажеш дали си во свет на љубовта."

Гробот на Тоше беше прекриен со бројни подароци од обожавателите од цела Македонија и од Балканот. Испишани сите стихови на неговите песни, писмата, пораките подароците пристигнаа за роденденот на нашиот Тоше.

Од менаџерката Лилјана Петровиќ и од неговиот бенд стигна ветениот подарок за неговиот роденден - бас гитарата.

Во Македониумот, песните на Тоше ги свиреше неговиот бенд, а ги испеаја учениците од ОУ „Никола Карев“ од Крушево.

- Наместо заедничко радување за роденденот на Тоше, денеска е тажно и болно доживување. Ценето семејство, непреболот во вашите души, нека биде воздишка која извира од сите срца кои денеска, како во сите изминати денови и месеци, бијат со огромната љубов на Тоше. Тој е најсвета рожба на неговите родители, но и рожба на Крушево, на Македонија, богатство на Балканот, Европа и Светот, истакна Стојан Тренчески, хуманист и пријател на Тоше.

Тој ја промовираше и новата фондација што ја формира родното Крушево. Фондацијата „Тодор Проески“, ќе ја раководи неговиот татко Никола. Основните цели на Фондацијата ќе бидат да ги негува споменот и делото на Тоше, на човекот кој им припаѓа на сите. Да ги негува музикалната, продукциската и уште повеќе човечката мисла за хуманост. А хуманата мисија на Тоше продолжува понатаму.

Внукот на Тоше, Кристијан ја откри бистата на својот вујко која ја изработи скулпторот Митко Ташев и која му ја подарува на семејството Проески. Кристијан на роденденот на својот вујко доби подарок, токму ветен од Тоше. Ветените тапани ги доби од бендот на Тоше и од продукцијата Аворд. Кристијан од актерката и пејачката, пријателка на Тоше, Антонија Шола и од Мирослав Поповиќ го прими и подарокот од Хрватска, наградата за музичар на годината за 2007, која едногласно на Тоше му ја доделија хрватските медиуми.

Од пријателите на Тоше од Варна, Бугарија, стигна и слика со портретот на Тоше, која со солзи во очите и бакнеж ја зема неговата сестра Дора.

Градот Крушево денешниот ден 25-ти јануари го прогласи за Ден на хуманоста на градот.

- Болно е за сите нас што го нема Тоше. Можеме само да го паметиме неговиот роденден и само да речам: да се сакате сите како што Тоше тоа го рече. Родендените Тоше ги славеше заедно со родителите, најблиските, со нас соработниците. Му го подарував тоа што знаев дека го посакува целата година. И на крајот ќе го изненадев со уметничка слика, со се што сакаше, изјави менаџерката Лилјана Петровиќ.

Оваа година, рече Петровиќ „му ветив бас гитара. Му ја ветивме со бендот. И ја донесовме. Се што Тоше има е дел на семејството кое несебично ќе ги отстапи за Музејот на Тоше за да допрат до сите. За нас единствено останува да ја исполниме желбата на Тоше: Да си простуваме, да имаме разбирање и љубов меѓу нас“.

Славен Ристески, зетот на Тоше ја спомена желбата на македската мега ѕвезда, која се исполни денеска, но за жал без Тоше.

- На 29-ти декември требаше на внукот Кристијан да му ги донесе тапаните. Порачани беа од Љубљана. Бендот и Аворд продукција ја исполнија желбата на Тоше, рече Ристески.

Пријателката и колешка на Тоше, Антонија Шола дојде од Хрватска.

- Дојдов и денеска на роденденот на мојот колега и пријател Тоше. Тешко е. На внукот на Тоше, Кристијан, му оставив мал крст.

Мирослав Поповиќ дојде во името на хрватските медиуми да го донесе признанието Кристална пирамида за најдобар музичар за 2007 што Тоше го доби.

- Едногласна беше одлуката на медиумите. Тоше безрезервно го заслужи тоа, рече Поповиќ.

Во Домот на културата во Крушево денеска беше отворена изложбата на 27-те фотографии кои од Спомен собата на Мајка Треза од Скопје се пресели во овој град. Изложбата носи наслов „Солзо недосолзена, песно недопеана“.




Izvor: Idividi