Sekte :: Religija ~ Filozofija ~ Sociologija

Ko su Jehovini Svjedoci?

Uvod
Centrala Jehovinih Svjedoka (JS) se nalazi u Brooklynu (New York). Osnivač JS je tzv. Charles Taze Russell (rođ. 16.02.1852) koji je tvrdio da zna kada će biti drugi dolazak Isusa Hrista (Russell je tvrdio da se Isus nevidljiv vratio na zemlji 1874. god.). U prvoj fazi je stvorio grupu tzv. "Biblijskih istraživača" gdje je istovremeno bio vođa. 1879. god. osnovao je časopis "kula stražara". 1881. god. osnovao "Zion's Watchtower Tract Society" koja je i dan danas poznata po cijelome svijetu. 1914. god. prorokovao je smak svijeta (bitka armagedon). Pored njegovog religioznog angažmana Russell je prodavao tzv. "čudotvornu pšenicu" i "hiljadugodišnji pasulj" kao i "čudesno piće Santrone" i mnogo drugih stvari koje bi trebale da liječe čovjeka. Pored toga je bio akcionar u raznim preduzećima. Bio je sklon prema drugim ženama i nekoliko puta za razne stvari osuđen na sudu. Vjerovatnoća da je Russell bio mason je velika. Često je masone pohvalio i na njegovome grobu je i dan danas vidljiva piramida u Pennsylveniji. Njegov nasljednik Rutherford se sam prozvao kao Božiji izaslanik i na taj način je sproveo sve odredbe sam. Živjeo je na visokoj nozi, volio žene i alkohol. Više puta je bio osuđen.

U šta vjeruju JS
Sve suštinske elemente hrišćanstva odbacuju JS: Sveto trojstvo, Bogočovjeka Isusa Hrista, spasenje jedino kroz Isusa Hrista, spasenje kroz milost, da je Isus vaskrsnuo, vječni pakao itd.
144.000 ljudi će biti spašeni, samo oni će pripasti nebeskoj vlasti. To konkretno znači da će pored apostola i hristovih sljedbenika iz prvoga stoljeća samo dio JS biti "djeca Božija" i time spašeni. Za razliku od ostalih JS koji će će biti "unuci Božiji"(?).
Da bi kompletirali svoju literaturu 60.-tih godina su preveli Bibliju na tzv. ""novi-svjetski-prevod". Tu se uostalom u Novome zavjetu preveo grčki "kyrios" (Gospod) sa "Jehovom" što je naravno greška. Smisao toga jeste da svuda gdje se Isus kao Gospod (kyrios) spominje - preimenuje u Jehovu. Pošto Isus kod JS nije Bog nema ni moć da nas spasi. U Novome zavjet u kome se Bog otkrije preko svoga Sina Isusa, grčevito JS pokušavaju da izbjegnu tu činjenicu i to značenje prilagođavaju svome učenju.

Arijanizam
Kada se vratimo u crkvenu istoriju i Arijus (250-336) iz Aleksandrije nije priznao Sveto Trojstvo. Nije priznao da je Isus vječan, nego da je bilo jedno vrijeme u koje Isus nije postajao. Atanazije (296-373), tada đakon biskupa Aleksandra od Aleksandrije, mu je energično prigovorio da Isusa stavlja na stranu bića (ljude i anđele) i na taj način krade čovječanstvu spasenje kroz Hrista. Atanazije ga je posjetio na činjenicu da je apostol Jovan napisao na početko svoga jevađelja da je Isus = logos, da je logos = Bog i time logos vječan kao Bog. Sv. Nikola (270-326) mu je čak pljunuo u lice na koncilu u Nikeji 325. god.

Arijus je za svoje učenje osuđen od cara i prognan. Uspjeo je na perfidan način da ga car pomiluje i vrati 330. god. iz prognanstva. Jedan dan prije nego što je trebao da počinje ponovo bogosluženje u ulicama Carigrada je neočekivano umro u jednom javnom klozetu. Car Konstantin je shvatio da je pogriješio sa svojom odlukom da rehabilituje Arijusa.
Da jedno slovo može da promijeni suštinu jedne riječi vidi se pogotovo oko toga pitanja. Arius je polazio od toga da je Isus "homoi-ousion" = Bogu sličan. Na koncilu u Nikeji su zaključili da je Isus "homo-ousion" = od istoga bića kao Bog, od iste substance. To jedno slovo ima ogroman uticaj na svaki domen hrišćanstva. Vidi se sličnost između vjerovanja arijanaca i JS.

Adventisti
Postoje slični elementi JS i adventista. Glavni uticaj vjerovatno je dolazio od C.T. Russella koji je prije nego što je stvorio JS bio se priključio jednom adventističkom ogranaku koji je negirao pakao. Russell nije htio time da se pomiri da Bog može ljude da šalje u pakao. Jedni i drugi stavljaju Stari i Novi zavjet u isti red, time što adventisti uostalom još uvijek poštuju sabat i JS ne primaju krv. Dodatni problem predstavlja tumačenje Bibilje. Biblijske izjave se tumače u istorijskom kontekstu, ali bez spasonosnoga istorijskoga napredka. Izjave iz Staroga i Novoga zavjeta se povežu bez ikakvoga konteksta što stvara jednu dosta maglovitu i nejasnu sliku. Dodatna sličnost jeste da jedni i drugi računaju drugi dolazak Hrista.

Literatura
90 km od New Yorka se nalazi stamparija JS koja je ujedno i najveća stamparija na svijetu. Tu rade otprilike 1000 dobrovoljnih radnika. Pored glavne literature pod imenom "kula stražara" postoje razna izdanja na manje-više svim jezicima ovoga svijeta. Da JS nijesu Božija crkva nego su pod tuđim vođstvom može lako da se i preko njihove literature dokazati. U jednoj knjizi pod imenom "Ti možeš zauvek da živiš u raju na Zemlji" (objavljena 1983. u 38 miliona primjeraka) se vidi na 17. stranici lik koji prikazuje Isusa Hrista (slika br. 1). Ako okrenete tu sliku na glavu (slika br. 2) dobijete u donjem desnom uglu to što ta slika ustvari zaista krije (slika br.3). Jednu đavolsku facu! Kula stražara je isto puna sličnih đavolskih faca i masonskih znakova. Kada sam suočio nekoliko godina kasnije JS koji mi je dao tu knjigu sa tim informacijama, on mi je priznao da je to istina, da su "bili" masonski simboli u literaturi JS ali da to više ne postoji(???). Ta osoba koja mi je to priznala je vođa JS u Njemačkoj koja se zove "R.P.". Slika pod brojem 4 se nalazi na 16. strani u "kuli stražara" od 15.06.1984. god. (holandsko izdanje), kao i slika br. 5 "Probuđenje" S.159, 1988. Lako je navesti niz takvih primjera, ali priznanje JS da se radi o masonskim simbolima i time uticaja koja ta organizacija ima na JS je dovoljno jasan dokaz. Često se spominje "novi poredak" i slična terminologija masona koja je isto odlično skrivena u samome tekstu. JS naravno znaju za otkriće tih znakova, tako da će u novijoj literaturi sve teže biti moguće pronaći takve simbole.

• JS tvrde da će se spasiti 144.000 ljudi. Kod toga broja (Otk. 7,4 / 14,1 / 14,3) se radi o slikovitom, proročkom broju koji u sebi sadrži broj 3 (trojedini Bog), broj 10 (broj naroda) i broj 12 (jevrejska plemena) -> (12*12 i 10*10*10 = 144'000). Znači da se ne radi o jednom apsolutnom broju. Svako se spašava i postaje Božije dijete koji se nanovo rodi (Jov. 3,3).
• Tvrde da su bili proganjani u drugome svjetskome ratu. To je tačno, to važi i za manje-više sve ostale vjerske zajednice. Nacisti su imali posebne logore za crkvene vođe.
• Ne treba primiti krv od drugoga čovjeka, jer je u krvi duša. Taj nehumani i neljudski akt posjeća na farizeje koji su zamjerili Isusu da je iscijelio čovjeka na subotu. Čovjek nije stvoren radi subote, nego subota radi čovjeka (Mar. 2,27).
• Tvrde da pakao ima samo simbolično značenje. Biblija kaže da će mnogi ući u pakao (Mar. 7,13), da je pakao vječan, konačan i samoizabran. Sad nema pakla za one koji su u Hristu (Rim. 8,2). U jevađelju po Luki bogataš opisuje pakao kao muke u plamenu (Luk. 16,24).
• Tvrde da Isus nije Bog: Pored toga što je Hrist za sebe uzeo najveću titulju Gospod (kyrios), koja samo Bogu pripada, Isus za sebe kaže da može da prašta grijehe (Mat. 9,1-8), da će da sudi svijetu (Jov. 5,25-29), da je bez grijeha (Jov. 8,46), da je istina (Jov. 16,4), da ima svu moć (Mat. 28,18), da je On i Otac jedno (Jov. 10,30), da je dozvolio da mu se kljanjaju (Mat. 8,2 / 9,18 / 14,33 / 15,25 / 20,20 itd.).
• Poriču Sv.Trojstvo: Ako Isus nebi bio od Boga onda nebi ni bilo spasenja za nas. Ako je Bog jedini koji je bez grijeha a sa druge strane mi ne možemo ući u raj bez grijeha, onda je jasno da je Bog sam morao da preuzme grijeh na sebe kroz Hrista da bi nam omogućio spasenje. Time naravno propadaju i vjerovanja Jevreja, koji nijesu primili Hrista Boga nego čekaju mesiju, i vjervanja muslimana, koji na neki način pokušavaju da imjere grijeh pa se nadaju da će njihova "vaga grijeha" biti barem malo u plusu. Bog mrzi grijeh i niko neće ući u raj bez savršenoga Božijega jagnjeta Isusa Hrista koji je i za tebe lično dao svoj život i vaskrsnuo.
O trojedinom Bogu govore razni stihovi: "Potom reče Bog: Da načinimo čoveka po svom obličju, kao što smo mi..."(1 Moj. 1,26) ,"Jer nam se rodi Dijete..." (Isa. 9,6), "I reče Gospod Bog: Eto, čovjek posta kao jedan od nas..." (1 Moj. 3,22), "Hajde da siđemo, i da im pometemo jezik..." (1 Moj. 11,7), "Idite dakle i naučite sve narode krsteći ih u ime Oca i Sina i Svetog Duha..." (Mat. 28,19), "I riječ postade tijelo i useli se u nas puno blagodati i istine..." (Jov. 1,14), "Jer Bog bješe u Hristu, i svijet pomiri sa sobom ne primivši im grijehe njihove..." (2 Kor. 5,19), "I, kao što je priznato, velika je tajna pobožnosti: Bog se javi u tijelu.." (1 Tim. 3,16), "...slave velikog Boga i Spasa našeg Isusa Hrista..."(Tit. 2,13), "...i da budemo u istinitom Sinu Njegovom Isusu Hristu. Ovo je Istiniti Bog i Život večni..." (1 Jov. 5,20), "I odgovori Toma i reče Mu (Isus): Gospod moj i Bog moj" (Jov. 20,28).

02. januar 2008
Aleksandar Vuksanović

Vjera