Poginuo Tose Proeski! :: Muzika ~ Koncerti ~ Izvodjaci

Шестмесечниот голден ретривер Бас, миленикот на трагично починатата мегаsвезда Тоше Проески, ниту јаде, ниту пие.

Бас тешко ја поднел смртта на Тоше со кого бил многу близок, велат неговите роднини. Ретриверот Бас со светло костелива скоро бела боја на крзното (ретривер со бела боја е многу редок примерок) Тоше го купил од Белград. Контактот одел преку неговата блиска пријателка тв водителката Мелита Ракичевиќ која му ја препорачала на Тоше најдобрата одгледувачница на вакви кучиња на Балканот. Тоше малиот Бас го чувал во станот во Злокуќани.

За него се грижел лично тој и неговата девојка Андријана Будимир. Таа за српскиот магазин "Стори" еден ден по смртта на мегаsвездата изјавила дека еден ден дошол Тоше и во рацете го држел малиот Бас и и рекол дека го купил кученцето за да не биде сама, да и прави друштво.

Андријана многу се грижела за новиот член на семејството, велат нашите извори и додаваат дека таа секое утро го шетала Бас во комплексот Злокуќани. По смртта на Тоше, кучето било однесено во неговото родно Крушево каде сега за него се грижат роднините на Тоше.

"Првите неколку дена по трагичниот настан кучето тагуваше. Само седеше во дворот и не сакаше да јаде ниту да пие вода. Но сега е веќе подобро. Го шета Кристијан, внукот на Тоше и уште двајца негови братучеди", велат роднини на семејството Проески.

"Познато е дека кучињата емоционално се врзуваат за своите сопственици. По смртта на сопственикот кучето тажи, односно одбива храна, незаинтересирано е за околината и најчесто со часови лежи во иста положба. Моето искуство вели дека кучињата на починатите сопственици најчесто умираат од тага, зашто додека траело нивното секојдневно дружење постоела взаемна љубов која сега им недостига. Кучињата знаат да сакаат, по верни се од луѓето и затоа паѓаат во емоционална криза која тешко ја пребродуваат", вели Ристе Гиовски професионален тренер во АРМ .

Тој објаснува дека оваа емоционална криза може да се преброди само ако некој член од семејството на починатиот ја земе обврската да се грижи за кучето.

" Кучето најлесно ќе ја преброди смртта на сопственикот само ако почувствува силна љубов од друга личност. Со ова куче треба да се работи секој ден, за да не му се дозволи да тагува. Тоа се прави со негово секојдневно анимирање во разни игри, чести и долги прошетки и присуство на друго куче", додава Гиовски.

Тоше многу ги сакаше животните, посебно му беа страст кучињата. Во родното Крушево чуваше неколку шарпланинци и ловџиски кучиња. Пред две години Тоше си го купи сибирскиот самојед Барон, но минатата пролет кучето му го отруа во Крушево.

Izvor: Vest