Makedonija :: Politicki ~ Geopoliticki forum

Груевски за Прес24: Иднината на Македонија е во НАТО и во ЕУ

Иднината на Македонија е во НАТО и ЕУ. Премиерот Никола Груевски во интервју за порталот Press24 со јасен став, Македонија останува насочена кон Брисел.

Во интервјуто, премиеот Груевски вели дека нема никакви докази ниту пак индиции дека САД, Германија, Франција или Британија стојат зад кумановските настани.

„За да сметам такво нешто треба да имаме елементарни докази или барем индиции. Ние такво нешто немаме.Досега немаме податок дека некоја држава, или нејзина разузнавачка служба, вклучувајки ги и гореспоменатите, дала логистика или на било кој начин ја поттикнало криминално терористичката група да го стори делото.

А впрочем и негледам зошто токму држави кои толку многу инвестирале досега во стабилноста и развојот на Макеоднија би помисилие да ја дестабилизираат истата.“ – вели Груевски за Press24

Премиерот вели дека нема логика дека зад снимените телефонски разговори стои некоја од овие земји

Во денешно време на огромен технолошки напредок на најголемите суперсили во светот во разузнавачко безбедносната и телекомуникациска свера, меѓу кои ги вбројувам и овие 4 земји, мислам дека не им е потребенa осомничената агентурна мрежа во Македонија, доколку одлучат да дојдат до таков вид матерјали. Одтука, нема логика тие да стојат како организатори на овој процес.Не е добро со леснотија и без докази да се шпекулира и да се набедуваат наши сојузници. Јас не се согласувам со тоа. – вели Груевски

Во врска со проектот Турски тек, Груевски вели дека Македонија го чека договорот меѓу Москва и Брисел

Нашиот став по овој проект е дека кога Брисел и Москва ќе постигнат договор за овој проект, ние би се вклучиле во него. Ние сме земја која е насочена кон евроатланската заедница, и при носење на одлуки од стратешко значење се водиме од оваа цел. – вели Груевски

Во врска со спорот со Грција, Груевски вели дека јужниот сосед е целосно фокусиран на финансиската криза и дека се надева дека по нејзиното надминување, Атина ќе посвети поголемо внимание на ова прашање

Во меѓувреме се работи на креирање мерки кои би изградиле одредено ниво на доверба помеѓу земјите, и кои би помогнале во надминување на некои други прашања од различни свери.

Македонија неправедно е долг период надвор од НАТО. Ако не беше овој спор, оддамна ќе бевме членки на НАТО, а веројатно, не само што ќе ги имавме започнато, туку мислам и дека ќе ги имавме завршено преговорите за членство во ЕУ, што на многу настани во земјата и во регионот ќе им дадеше поинаков тек. – вели Груевски во интервјуто за Press24

За изјавата на албанскиот премиер Еди Рама, Груевски вели дека интерес на двете земји е што побрзо интегрирање во НАТО и Европската Унија

Интерес на граѓаните на Македонија и на Албанија е најбрзо интегрирање на двете земји во ЕУ и НАТО.На ова треба заедно да работиме и да се подржуваме, а во интерес на безбедноста и напредокот на регионот и на граѓаните на двете земји. Треба силите и енергијата да ги концетрираме на тоа поле и на тој пат. – вели Груевски

Груевски вели дека за стратешките цели на Македонија ги информирал и и пратениците на Европската народна партија каде што членува и ВМРО-ДПМНЕ.

Моето обраќање пред пратеничката група на ЕНП и одговарањето на низа прашања на членовите на европскиот парламент од оваа најмоќна политичка групација каде припаѓа и ВМРО-ДПМНЕ, беше добра можност да ја преставам Македонија, нејзините стратешки правци, предизвици, и се разбира актуелните проблеми. Имаше огромен интерес и многу прашања, на кои прецизно одговорив.За нив беше одлична можност да се информираат за многу работи, и особено за нашите ставови по многу настани и случувања. За мене исто така беше одлична можност да информирам и пренесам се што е значајно и е интерес на Македонија. Иако Македонија се соочува со криза, сепак да не заборавиме дека 2 години по ред е земја со втор највисок раст на економијата во Европа, а европската комисија пред еден месец објави прогназа дека во 2015та и 2016та се очекува токму Македонија да има највисок раст на економијата во цела Европа.

Средбата со комесарот Хан и со тројцата европратеници олеснувачи, беше посветена на решавањето на актуелната политичка криза во земјата. Можам да кажам дека тие вложија многу напори и време да ни помогнат, што секако треба да се почитува.Тие разговори ќе продолжат, и ова само укажува дека Макеоднија има пријатели кои и во кризно време сакаат да помогнат. – вели Груевски за Press24