Boduli su dusa od kvarnera


Partili su priko snijeg mora
Zuj kastiga a trata pokora
Ma strukala je skrtu grotu moju
Vridna ruka na kvarnerskom skoju

Sve od Krka pa doli do Paga
Priko Cresa, Losinja i Raba
Na pet grota u srcu Kvarnera
Bodulska je zlatna rivijera

Tu kanta se od kako je svita
rajska djevo i vilo velebita
Majko Istro i Primorje moje
Boduli su dusa duse tvoje

Ca ce mi venecija

U febraru Rio de Janeiro se laskice
Ulice su Amsterdama pune smiha, srice
Lipo je u Santa Cruzu jos lipse u Koeln
Ma u vrime karnevala ja tamo ne gren

U febraru raduju se Rim i Budimpesta
Kazu da je u Veneciji uvik dobra festa
Zivo je u Samoboru, veselo u Split
Ma u febraru na Kvarneru ja najvolin bit

Ca ce mi Venecija, Koeln i Amsterdam
Meni su u srcu Zamet i Lovran
Permani, Kostrena, Malinska i Senj
U febraru od Kvarnera ja nidi ne gren

Ca ce mi Venecija, Budimpesta i Prag
Za mene su Cavle, Krasica i Pag
Tu je moja dusa, tu mi je moj svit
U febraru na Kvarneru ja najvolin bit

Di pocimje dalmacija

Ispo vile Velebita
Moj je komad voga svita
Modro more, zlatna vala,
Beli kamen, tesna kala

Skrta zemja, stare murve
Radosti jubavi prve
Potli svakoga vijadja
Tu me nosi moja ladja

Tu je meni dom jedini
Buri zadnja stacija
Tu na suroj paskoj stini
Di pocimje Dalmacija

Ispo vile Velebita
Moj je komad voga svita
Ogradice i sobina
Maslina i mandolina

Na gusterni moga deda
Graciji se srce preda
Tu u tinji kamariza
Dusa mi je Bogu bliza

Tu je meni ...

Drz' ti govor mala ( Marijola )

Marijola, Marijola, sesna sinjorina
Sotobraco modernog bi stila muskardina

Da se hrani vegeterijalno
I busiva metroseksualno
U svemu mora parit
David Beckham ol Brad Pitt (pit, ist i pit)

Marijola, sesna kajno slika
Tebi triba komad od covika
I bez sminke ja sa tobon znat cu
Busivat se lipo po domacu

Marijola, vrag se s tobon ita
Ostavi se Beckhama i Pitta
Od covika manje od kvintala
Nima srice, drz' ti govor mala

Marijola, Marijola, sesna sinjorina
Sotobraco modernog bi stila muskardina

Da mu ni strapac ku uru
Potrosit na pedikuru
Na fitness mora hodit
Samo zgojnu vodu pit (pit, ist i pit)

Marijola, lipa kajno slika...

Kvadar duse moje


Daj mi plave boje za nebo i more
Kolur armelina za sumrak i zore
Kukod kapju sure za sve lipe skoje
Da nacrtan sliku, kvadar duse moje

Letratat cu smokvu, trs i sunce zlatno
Dalmaciju rastrit cu na bilo platno
Nek u fundamentu kvadra duse moje
Ispo svega dise platno bile boje

Sve se, sve se boje Dalmacije moje
Kroz tugu i sricu u bilu uticu
Svi dani od slave, ponosa, rispeta
Slili se u bilu boju od dispeta

Sve se, sve se boje Dalmacije moje
Kroz tugu i sricu u bilu uticu
Sto godina strepnji, jubavi i druka
Slilo se u bilu boju od Hajduka

Mediteraneo

Covik san od mora, gajete i trate
Friskine i vitra misli mi krcate
Tu na suroj hripi svoju storiju pisen
S ovim nebon placen, s ovin valon disen

Covik san od skoja, pisme, kumpanije
Volin ovi judi, kale, ostarije
U njadrima cutin milost Bogom danu
Tu u zikvi svita, na Mediteranu

Mediteraneo, Mediteraneo
Uz maslinu resa,
U tinji cimpresa
Moj vicnji je dom

Mediteraneo, Mediteraneo
Tu sunce busivan
I zivot strukivan
U zanosu svom

Testament


Jos mi dusu prene, hladan kaj i led,
Nemir litnje noci kad je umra ded
Kaj sterika stara tlija u postiju
Nana, mater, caca gluhe suze liju

Prija neg je zdaha, put neba zaplovi,
Drhtavon je rukon sve nas blagoslovi
Tiho, potli zadnjeg svetog sakramenta
Prosapja je rici svoga testamenta

Ostavjan van ime i kucu od postenja
Najvridnije blago mojega zivenja
Jos kad vode vidin vase lice milo
Znan da radi toga zivit je vridilo

Cuvajte mi, dico, more i gajetu
Dalmaciju zemlju, nasu viru svetu
Molite da dusa fini mi u raju
Zbogon mili moji, drz'te se kuraju

Ti si sve ca vridnog mi ostaje

Pol zivota pisme i susura
Po konoban, ispo balatura
Vagun sjete na se san ukrca
Lipin stihon punec tuja srca

Digod posa lipo me me tratali
Digod dosa s manon zakantali
Za kap smiha i srice munitu
Pol san duse ja darova svitu

Onu drugu duse polovicu
Cuvan za te kajno retku ticu
Jedina si ti uz dragog Boga
Cula pravu pismu srca moga

Onu drugu djelozivo skrivan
Osim tebe nikom ne otkrivan
Jer kad projdu sve feste i fraje
Ti si sve ca vridnog mi ostaje