Arsenal FC :: Fudbal ~ Kladionica ~ Fantasy ~ Navijaci

Specijalno samo za @st_faca jer mnogo voli Wengera.Na makedonski je:

Арсен Венгер од Арсенал најценет стратег

Доаѓањето на Бразилецот Луис Фелипе Сколари на менаџерската функција во Челси ја разбранува англиската јавност. Тој е нов странец на клупата на некој премиерлигаш и го засили тврдењето на медиумите дека странските менаџери се најзаслужни за подемот на англискиот фудбал. Менаџерите на најголемите екипи се странци, Французинот Арсен Венгер во Арсенал, Шпанците Рафаел Бенитез и Хуанде Рамос во Ливерпул и Тотенхем, менаџер на Манчестер јунајтед е сер Алекс Фергусон кој по потекло е од Шкотска, а на клупата на англиската репрезентација седи Италијанецот Фабио Капело. На листа на најдобрите менаџери првото место му припаѓа на Венгер, кој веќе 13 години е главен во редовите на „топчиите“.

1. АРСЕН ВЕНГЕР (Арсенал)
- Доаѓањето на Венгер во Арсенал ја промени историјата на клубот. Тој успеа од просечен клуб да го направи елитен европски тим, кој е составен од млади ѕвезди, чија игра, според, стручњаците е најубава за гледање. Тој освои три шампионски титули и четири трофеи во ФА-купот, а во 1998 и 2002 ја освојуваше двојната круна. Венгер е првиот кој успеа да ја урне доминацијата на Манчестер јунајтед, а влезе во аналите на англискиот фудбал откако во сезоната 2003/04 до шампионската титула дојде без ниеден пораз.

2. ЖОЗЕ МУРИЊО (Челси)
- Сколари е новиот тренер на Челси, но духот на Мурињо се уште е присутен на „Стемфорд бриџ“. Кога газдата Роман Абрамович посака трофеи, се реши за Португалецот и не погреши. Мурињо освои по две титули во првенството (2005 и 2006) Лига-купот (2005 и 2007) и еден трофеј во ФА-купот (2007) . На стартот од ланската сезона заработи отказ, а сега е тренер на Интер.

3. РАФАЕЛ БЕНИТЕЗ (Ливерпул)
- Рафаел Бенитез уште во првата сезона од раководењето на Ливерпул, успеа да го врати клубот во елитата, со триумф во ЛШ. Следната година беше освоен трофејот ФА-купот, а во 2007 беше поразен во финалето од ЛШ. Неговата филозофија на постојано ротирање на играчите е критикувана, но тоа носи резултати, а во новата сезона Шпанецот најави атак на шампионската титула во Премиер-лигата.

4. ЖЕРАР УЛИЕ (Ливерпул)
- Французинот стана херој на откако во 2001 година освои три трофеи, ФА-купот, Лига-купот и Купот на УЕФА. Улие инсистираше на офанзивен фудбал поради што стана миленик на навивачите, но доби отказ во 2004 година и беше сменет со Бенитез.

5. АВРАМ ГРАНТ (Челси)
- Аврам Грант беше само една сезона во Англија и остави длабока трага. Тој беше под постојан притисок од јавноста, а кога го презема Челси во септември 2007 година имаше 14 бодови помалку од лидерот Манчестер ј. Титулата ја загуби во последното коло, а стигна до финалето на ЛШ, каде загуби на пенали од Манчестер ј.

6. ЏАНЛУКА ВИЈАЛИ (Челси)
- Италијанецот Вијали е најзаслужен за подемот на Челси кон европскиот врв пред доаѓањето на Роман Абрамович. Тој беше првиот менаџер и играч во историјата на клубот, а освои два трофеи (1998), од Лига-купот и од Купот на победниците на куповите.

7. ХУАНДЕ РАМОС (Тотенхем)
- Тој е половина сезона во Англија, а со клубот направи голем успех. Сменет е начинот на игра, а триумфира Карлинг-купот (поранешен Лига куп) и го прекина повеќедеценискиот пост на трофеи на познатиот лондонски клуб. Тој најави борба за шампионската титула.

8. КЛАУДИО РАНИЕРИ (Челси)
- Клаудио Раниери е првиот менаџер кој работеше за Роман Абрамович. На клупата седеше четири години, а најголем успех му е второто место во Премиер-лигата и пласман во полуфиналето во ЛШ во 2004 година.

9. СВЕН ЈЕРАН ЕРИКСОН (Англија)
- Швеѓанецот Свен Јеран Ериксон е првиот странец кој ја предводеше англиската репрезентација. Тој успеа да го промени менталитетот на играчите, да го смени стилот на играта, но немаше некои позначајни резултати. Сепак, Англија под негово водство редовно настапуваше на големите натпреварувања, а краен дострел беше пласманот во четврт-финалето. Тој минатата сезона беше менаџер на Манчестер сити, кој во првиот дел од сезоната беше најпријатно изненадување.

10. МАРТИН ЈОЛ (Тотенхем)
- Мартин Јол во Тотенхем дојде во 2004 година како помошник на менаџерот Жак Сантини, но по шест месеци стана прв тренер и веднаш стана миленик на навивачите. Немаше некои позначајни резултати со Тотенхем, иако потроши многу пари за засилувања. Во јануари годинава беше сменет со Хуанде Рамос, а сега е тренер на германскиот прволигаш Хамбургер.

Izvor:Vreme